2015 جىلعى 19 ناۋرىز, استانا قالاسى
جەرگىلىكتى ءوزىن-ءوزى باسقارۋ ورگاندارىنا ترانسفەرتتەر بەرۋ قاعيدالارىن بەكىتۋ تۋرالى
قازاقستان رەسپۋبليكاسىنىڭ 2008 جىلعى 4 جەلتوقسانداعى بيۋدجەت كودەكسىنىڭ 35-بابىنىڭ 6-تارماعىنا سايكەس بۇيىرامىن:
1. جەرگىلىكتى ءوزىن-ءوزى باسقارۋ ورگاندارىنا ترانسفەرتتەر بەرۋ قاعيدالارى بەكىتىلسىن.
2. قازاقستان رەسپۋبليكاسى قارجى مينيسترلىگىنىڭ بيۋدجەت زاڭناماسى دەپارتامەنتى (ز.ا. ەرنازاروۆا) زاڭنامادا بەلگىلەنگەن تارتىپپەن:
1) وسى بۇيرىقتىڭ بەلگىلەنگەن تارتىپپەن قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن;
2) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدەن وتكەننەن كەيىن ون كۇنتىزبەلىك كۇن ىشىندە مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالانۋىن;
3) وسى بۇيرىقتى قازاقستان رەسپۋبليكاسى قارجى مينيسترلىگىنىڭ رەسمي ينتەرنەت-رەسۋرسىندا ورنالاستىرۋدى قامتاماسىز ەتسىن.
3. وسى بۇيرىق 2015 جىلدىڭ 1 ساۋىرىنەن باستاپ قولدانىسقا ەنگىزىلەدى جانە رەسمي جاريالانۋعا ءتيىس.
مينيستر ب.سۇلتانوۆ
«كەلىسىلدى»
قازاقستان رەسپۋبليكاسى ۇلتتىق ەكونوميكا
ءمينيسترى ________________ ە.دوساەۆ
2015 جىلعى 1 ءساۋىر
قازاقستان رەسپۋبليكاسى قارجى ءمينيسترىنىڭ 2015 جىلعى 19 ناۋرىزداعى №195 بۇيرىعىمەن بەكىتىلگەن
جەرگىلىكتى ءوزىن-ءوزى باسقارۋ ورگاندارىنا ترانسفەرتتەر بەرۋ قاعيدالارى
1. جالپى ەرەجەلەر
1. وسى جەرگىلىكتى ءوزىن-ءوزى باسقارۋ ورگاندارىنا ترانسفەرتتەر بەرۋ قاعيدالارى (بۇدان ءارى-قاعيدا) قازاقستان رەسپۋبليكاسىنىڭ 2008 جىلعى 4 جەلتوقسانداعى بيۋدجەت كودەكسىنىڭ 35-بابىنىڭ 6-تارماعىنا سايكەس ازىرلەندى جانە جەرگىلىكتى ءوزىن-ءوزى باسقارۋ ورگاندارىنا ترانسفەرتتەر بەرۋ ءتارتىبىن ايقىندايدى.
2. جەرگىلىكتى ءوزىن-ءوزى باسقارۋ فۋنكتسيالارىن ىسكە اسىرۋ ءۇشىن جەرگىلىكتى ءوزىن-ءوزى باسقارۋ ورگاندارىنا بەرىلەتىن وبلىستىق بيۋدجەتتەرگە جانە اۋدانداردىڭ (وبلىستىق ماڭىزى بار قالالاردىڭ) بيۋدجەتتەرىنە مىناداي تۇسىمدەر:
1) اۋداندىق ماڭىزى بار قالا, اۋىل, كەنت, اۋىلدىق وكرۋگ اۋماعىندا تىركەلگەن جەكە تۇلعالاردىڭ تولەم كوزىنەن سالىق سالىنبايتىن تابىستارى بويىنشا جەكە تابىس سالىعى;
2) مۇلكى اۋداندىق ماڭىزى بار قالا, اۋىل, كەنت, اۋىلدىق وكرۋگ اۋماعىندا ورنالاسقان جەكە تۇلعالاردىڭ مۇلكىنە سالىناتىن سالىق;
3) جەر ۋچاسكەسى اۋداندىق ماڭىزى بار قالادا, اۋىلدا, كەنتتە ورنالاسقان جەكە تۇلعالاردان الىناتىن, ەلدi مەكەندەر جەرلەرiنە سالىناتىن جەر سالىعى;
4) اۋداندىق ماڭىزى بار قالادا, اۋىلدا, كەنتتە تىركەلگەن جەكە تۇلعالاردان الىناتىن, كولىك قۇرالدارىنا سالىناتىن سالىق جەرگىلىكتى ءوزىن-ءوزى باسقارۋ ورگاندارىنا بەرىلەتىن ترانسفەرتتەر بولىپ تابىلادى.
2. ترانسفەرتەردى بەرۋ ءتارتىبى
3. بيۋدجەتتى اتقارۋ جونىندەگى ورتالىق جانە جەرگىلىكتى ۋاكىلەتتى ورگاندار اۋداندىق ماڭىزى بار قالا, اۋىل, كەنت, اۋىلدىق وكرۋگ اكىمىمەن بىرلەسىپ جىل سايىن ءار جىلدىڭ 1-كۇنىنە وسى ەرەجەنىڭ 2-تارماعىندا كورسەتىلگەن تۇسىمدەر تۇرلەرى بويىنشا اۋداندىق ماڭىزى بار قالا, اۋىل, كەنت, اۋىلدىق وكرۋگ بولىنىسىندە سالىق تولەۋشىلەر تىزبەسىن بەكىتەدى:
1) تولەم كوزىنەن سالىق سالىنبايتىن تابىستارى بويىنشا جەكە تابىس سالىعى بويىنشا - جەكە سايكەستەندىرۋ نومىرلەرىن (بۇدان ءارى - جسك) پايدالانا وتىرىپ, اي سايىنعى نەگىزىندە اۋداندىق ماڭىزى بار قالا, اۋىل, كەنت, اۋىلدىق وكرۋگ بولىنىسىندە ناقتى تۇسىمدەر تۋرالى مالىمەت بەرۋ بولىگىندە بيۋدجەتكە تۇسەتىن سالىق تۇسىمدەرىن الۋعا جاۋاپتى ۋاكىلەتتى ورگانمەن كەلىسىم بويىنشا اۋداندىق ماڭىزى بار قالا, اۋىل, كەنت, اۋىلدىق وكرۋگ اۋماعىندا تىركەلگەن جەكە تۇلعالاردىڭ تىزبەسىنە سۇيەنە وتىرىپ;
2) جەكە تۇلعالاردىڭ مۇلكىنە سالىناتىن سالىق بويىنشا - اۋداندىق ماڭىزى بار قالا, اۋىل, كەنت, اۋىلدىق وكرۋگ اكىمىنىڭ مالىمەتتەرى بويىنشا مۇلكى اۋداندىق ماڭىزى بار قالا, اۋىل, كەنت, اۋىلدىق وكرۋگ اۋماعىندا ورنالاسقان جەكە تۇلعالاردىڭ تىزبەسىنە سۇيەنە وتىرىپ;
3) جەكە تۇلعالاردان الىناتىن, ەلدi مەكەندەر جەرلەرiنە سالىناتىن جەر سالىعى بويىنشا - اۋداندىق ماڭىزى بار قالا, اۋىل, كەنت, اۋىلدىق وكرۋگ اكىمىنىڭ مالىمەتتەرى بويىنشا جەر ۋچاسكەسى اۋداندىق ماڭىزى بار قالادا, اۋىلدا, كەنتتە ورنالاسقان جەكە تۇلعالاردىڭ تىزبەسىنە سۇيەنە وتىرىپ;
4) جەكە تۇلعالاردان الىناتىن كولىك قۇرالدارىنا سالىناتىن سالىق بويىنشا - اۋداندىق ماڭىزى بار قالا, اۋىل, كەنت, اۋىلدىق وكرۋگ اكىمىنىڭ مالىمەتتەرى بويىنشا اۋداندىق ماڭىزى بار قالادا, اۋىلدا, كەنتتە تىركەلگەن جەكە تۇلعالاردىڭ تىزبەسىنە سۇيەنە وتىرىپ جەرگىلىكتى ءوزىن-ءوزى باسقارۋ ورگاندارى بولىنىسىندە سالىق تولەۋشىلەر تىزبەسىن بەكىتەدى.
4. شىعىستاردى جوسپارلاۋ ءۇشىن وبلىستىق بيۋدجەت تۋرالى, اۋدان (وبلىستىق ماڭىزى بار قالا) بيۋدجەتتەرى تۋرالى شەشىمنىڭ جوباسىنا بيۋدجەتتىك زاڭناماعا سايكەس تيىسىنشە جەرگىلىكتى ءوزىن-ءوزى باسقارۋ ورگاندارىنا بەرىلەتىن ترانسفەرتتەردىڭ اۋىلدار, كەنتتەر, اۋىلدىق وكرۋگتەر اراسىندا ءبولىنۋى قوسا تىركەلەدى.
5. وسى قاعيدانىڭ 2-تارماعىندا كورسەتىلگەن سالىقتاردىڭ ءتيىستى قارجى جىلىنا ارنالعان تولەمدەر بويىنشا جيىنتىق قارجىلاندىرۋ جوسپارىندا كوزدەلگەن, جەرگىلىكتى ءوزىن-ءوزى باسقارۋ ورگاندارىنا بەرىلەتىن ترانسفەرتتەر سومالارىنان ارتىق, وتكەن قارجى جىلىنداعى تۇسىمدەرى اعىمداعى قارجى جىلىنا ارنالعان جەرگىلىكتى بيۋدجەتتى ناقتىلاۋ كەزىندە ەسكەرىلەدى.
6. بيۋدجەتتى اتقارۋ جونىندەگى جەرگىلىكتى ۋاكىلەتتى ورگاندار جەرگىلىكتى ءوزىن-ءوزى باسقارۋ ورگاندارىنا بەرىلەتىن ترانسفەرتتەردى اۋدارۋدى اي سايىنعى نەگىزدە, وسى قاعيدانىڭ 2-تارماعىندا كورسەتىلگەن سالىقتاردىڭ ناقتى ءتۇسىمىن جانە ارتىق (قاتە) تولەنگەن سومالارىن قايتارۋدى (ەسەپكە جاتقىزۋدى) ەسكەرە وتىرىپ, جۇزەگە اسىرادى.
7. جەرگىلىكتى ۋاكىلەتتى ورگانداردىڭ جەرگىلىكتى ءوزىن-ءوزى باسقارۋ ورگاندارىنا اۋدارعان ترانسفەرتتەرى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىندە № 9934 بولىپ تىركەلگەن, قازاقستان رەسپۋبليكاسىنىڭ قارجى ءمينيسترىنىڭ 2014 جىلعى 4 جەلتوقسانداعى № 540 بۇيرىعىمەن بەكىتىلگەن بيۋدجەتتىڭ اتقارىلۋى جانە وعان كاسسالىق قىزمەت كورسەتۋ ەرەجەسىندە (بۇدان ءارى - بيۋدجەتتىڭ اتقارىلۋى جونىندەگى ەرەجە) ايقىندالعان تارتىپپەن اشىلعان قولما-قول اقشانى باقىلاۋ شوتىنا (بۇدان ءارى – قبش) ەسەپكە جاتقىزىلادى.
قبش قازاقستان رەسپۋبليكاسىنىڭ جەرگىلىكتى مەملەكەتتىك باسقارۋ جانە ءوزىن-ءوزى باسقارۋ تۋرالى زاڭناماسىندا كوزدەلگەن تۇسىمدەردىڭ وپەراتسيالارىن ەسەپكە الۋعا جانە اۋداندىق ماڭىزى بار قالا, اۋىل, كەنت, اۋىلدىق وكرۋگ اكىمدەرىنىڭ جەرگىلىكتى ءوزىن-ءوزى باسقارۋ فۋنكتسيالارىن ىسكە اسىرۋىنا باعىتتالعان شىعىستاردى جۇرگىزۋگە ارنالعان. اعىمداعى قارجى جىلىنىڭ 1 قاڭتارىنداعى جاعداي بويىنشا جەرگىلىكتى ءوزىن-ءوزى باسقارۋدىڭ قبش-دا پايدالانىلماعان اقشا قالدىقتارىنىڭ بولۋىنا جول بەرىلەدى.
جەرگىلىكتى ءوزىن-ءوزى باسقارۋدىڭ قولما-قول اقشانى باقىلاۋ شوتىنا بيلىك ەتۋشىلەر اۋداندىق ماڭىزى بار قالالاردىڭ, كەنتتەردىڭ, اۋىلداردىڭ, اۋىلدىق وكرۋگتەردىڭ اكىمدەرى بولىپ تابىلادى.
8. تۇسىمدەردەن تۇسكەن قاراجاتتى پايدالانۋ ءۇشىن جىل سايىن, قارجى جىلىنىڭ 20 قاڭتارىنا دەيىن بيۋدجەتتىڭ اتقارىلۋى جونىندەگى ەرەجەسىنىڭ № 126-قوسىمشاسىنىڭ نىسانى بويىنشا اۋداندىق ماڭىزى بار قالا, اۋىل, كەنت, اۋىلدىق وكرۋگ اكىمدەرىنىڭ جەرگىلىكتى ءوزىن-ءوزى باسقارۋ فۋنكتسيالارىن ىسكە اسىرۋىنا باعىتتالعان اقشانىڭ تۇسىمدەرى مەن شىعىستارىنىڭ جوسپارى جاسالادى.
اۋداندىق ماڭىزى بار قالانىڭ, كەنتتىڭ, اۋىلدىڭ, اۋىلدىڭ وكرۋگى اكىمدەرىنىڭ جەرگىلىكتى ءوزىن-ءوزى باسقارۋ فۋنكتسيالارىن ىسكە اسىرۋىنا باعىتتالعان اقشانىڭ ءتۇسۋ جانە جۇمسالۋ جوسپارىن ءتيىستى اۋداندىق ماڭىزى بار قالانىڭ, اۋىلدىڭ, كەنتتىڭ, اۋىلدىق وكرۋگتىڭ اكىمى ونى قارجى جىلىنىڭ 1 اقپانىنا دەيىن جەرگىلىكتى قوعامداستىقتىڭ جينالىسىندا كەلىسىلگەننەن كەيىن بەكىتەدى.
بەكىتىلگەن اۋداندىق ماڭىزى بار قالا, اۋىل, كەنت, اۋىلدىق وكرۋگ اكىمدەرىنىڭ جەرگىلىكتى ءوزىن-ءوزى باسقارۋ فۋنكتسيالارىن ىسكە اسىرۋىنا باعىتتالعان اقشانىڭ ءتۇسۋ جانە جۇمسالۋ جوسپارىنىڭ قولدانىلۋى اعىمداعى قارجى جىلىنىڭ 31 جەلتوقسانىندا توقتاتىلادى.
9. تولەمدەر قازاقستان رەسپۋبليكاسىنىڭ جەرگىلىكتى باسقارۋ جانە ءوزىن-ءوزى باسقارۋ تۋرالى زاڭناماسىندا كوزدەلگەن تۇسىمدەردەن تۇسەتىن اقشا ەسەبىنەن تولەمگە ارنالعان شوت نەگىزىندە جۇزەگە اسىرىلادى جانە جەرگىلىكتى ءوزىن-ءوزى باسقارۋدىڭ قولما-قول اقشانى باقىلاۋ شوتىنداعى قالدىقتار شەگىندە جۇرگىزىلەدى.
ەسەپتى قارجى جىلىنىڭ اياعىندا پايدالانىلماعان جەرگىلىكتى ءوزىن-ءوزى باسقارۋدىڭ شوتىندا قالعان قازاقستان رەسپۋبليكاسىنىڭ جەرگىلىكتى مەملەكەتتىك باسقارۋ جانە ءوزىن-ءوزى باسقارۋ تۋرالى زاڭناماسىندا كوزدەلگەن تۇسىمدەردەن تۇسەتىن قاراجات قالدىقتارى تۇسىمدەر مەن شىعىستار جوسپارى جەرگىلىكتى قوعامداستىقتىق جينالىسىندا ناقتىلانۋى جانە كەلىسىلۋى ارقىلى اعىمداعى جىلدىڭ شىعىستارىن قارجىلاندىرۋعا باعىتتالۋى مۇمكىن.
3. مونيتورينگ جانە ترانسفەرتتەردىڭ پايدالانىلۋى جونىندە ەسەپ بەرۋ
10. مونيتورينگ جەرگىلىكتى ماڭىزى بار ماسەلەلەردى شەشۋگە ترانسفەرتتەرمەن جانە جەرگىلىكتى ءوزىن-ءوزى باسقارۋدىڭ باسقادا كىرىس كوزدەرىنە بولىنگەن بيۋدجەت قاراجاتىن پايدالانۋ تۋرالى اقپاراتتى جيناقتاۋ مەن جۇيەلەندىرۋ ماقساتىندا جۇرگىزىلەدى. مونيتورينگتى جەرگىلىكتى قوعامداستىق كوميسسياسىنىڭ مۇشەلەرى جوسپارلانعان جانە قاراجاتتى پايدالىنۋدا قول جەتكىزىلگەن ناتيجەلەرىن سالىستىرۋ ارقىلى جارتى جىلدا ءبىر رەت جۇزەگە اسىرادى. قاجەت بولعان جاعدايدا جەرگىلىكتى قوعامداستىق جينالىسىنىڭ شەشىمىمەن كەزەكتەن تىس مونيتورينگ جۇرگىزىلۋى مۇمكىن.
11. ترانسفەرتەردى پايدالانىلۋىنا مونيتورينگتى اۋداندىق ماڭىزى بار قالانىڭ, اۋىلدىڭ, كەنتتىڭ, اۋىل وكرۋگى اكىمدىگىنىڭ اپپاراتى جەرگىلىكتى ءوزىن-ءوزى باسقارۋ فۋنكتسيالارىن ىسكە اسىرۋعا اۋداندىق ماڭىزى بار قالانىڭ, اۋىلدىڭ, كەنتتىڭ, اۋىل وكرۋگىنىڭ اكىمدەرى جىبەرەتىن اقشانىڭ تۇسىمدەرى مەن شىعىستارىنىڭ بەكىتىلگەن جوسپارى نەگىزىندە جۇرگىزەدى.
12. اۋداندىق ماڭىزى بار قالانىڭ, اۋىلدىڭ, كەنتتىڭ, اۋىل وكرۋگى اكىمىنىڭ اپپاراتى وسى قاعيدانىڭ قوسىمشاسىندا كورسەتىلگەن نىساناعا سايكەس جەرگىلىكتى ءوزىن-ءوزى باسقارۋ ترانسفەرتتەرىن پايدالانۋ ناتيجەلەرى تۋرالى ەسەپتى كەزەڭنەن كەيىنگى ايدىڭ 5-ءى كۇنىنە دەيىنگى مەرزىمدە جاسايدى.
13. ترانسفەرتتەردى پايدالانۋ ناتيجەلەرى تۋرالى ەسەپتى جەرگىلىكتى قوعامداستىقتىڭ كوميسسياسى مۇشەلەرىنە ەسەپتى كەزەڭنەن كەيىنگى ايدىڭ 10-ى كۇنىنە دەيىنگى مەرزىمدە ۇسىنادى.
14. بيۋدجەت قاراجاتىن پايدالانۋ مونيتورينگى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىندە № 8762 بولىپ تىركەلگەن, قازاقستان رەسپۋبليكاسىنىڭ قارجى ءمينيسترىنىڭ 2013 جىلعى 26 تامىزداعى №405 بۇيرىعىمەن بەكىتىلگەن جەرگىلىكتى ماڭىزى بار ماسەلەلەردى شەشۋگە جانە جەرگىلىكتى ءوزىن-ءوزى باسقارۋدىڭ كىرىس كوزدەرىنە بولىنگەن بيۋدجەت قاراجاتىن پايدالانۋعا مونيتورينگ جۇرگىزۋ ادىستەمەسىنە سايكەس جۇرگىزىلەدى.
بيۋدجەت قاراجاتىن پايدالانۋ مونيتورينگى بويىنشا قورىتىندىلاردىڭ ناتيجەلەرى ءتيىستى جەرگىلىكتى بيۋدجەتتەردى جانە اقشانىڭ تۇسىمدەرى مەن شىعىستارىنىڭ جوسپارلارىن قالىپتاستىرۋ جانە ناقتىلاۋ كەزىندە ەسەپكە الىنادى.
جەرگىلىكتى ءوزىن-ءوزى باسقارۋ ورگاندارىنا ترانسفەرتتەردى بەرۋ قاعيداسىنا قوسىمشا
نىسان
جەرگىلىكتى ءوزىن-ءوزى باسقارۋ ترانسفەرتتەرىن پايدالانۋ ناتيجەلەرى تۋرالى ەسەپ
20__ جىلعى 1_____________
مەملەكەتتىك مەكەمەنىڭ اتاۋى ___________________________________
مەرزىمدىلىگى: جارتىجىلدىق, جىلدىق ______________________
ولشەم بىرلىگى: مىڭ تەڭگە
اتاۋى جول كودى ءبىر جىلعا بەكىتىلگەن جوسپار ءبىر جىلعا ناقتى-لانعان جوسپار جارتى جىلعا
جوسپار ءىس جۇزىندە ورىندالۋى پايلالانباعان سوما قالدىعى جارتى جىلدىق جوسپارعا ورىندالۋى % (ب.6/ب.5) ح100 جىلدىق جوسپارعا ورىندالۋى % (ب.6/ب.4) ح100
1 2 3 4 5 6 7 8 9
جىلدىڭ باسىنا پايدالانباعان قاراجات قالدىعى - بارلىعى 010
ەسەپتى كەزەڭنىڭ تۇسىمدەرى, بارلىعى (021-025 جولدار سوماسى) 020
ونىڭ ىشىندە
اۋداندىق ماڭىزى بار قالا, اۋىل, كەنت, اۋىلدىق وكرۋگ اۋماعىندا تىركەلگەن جەكە تۇلعالاردىڭ تولەم كوزىنەن سالىق سالىنبايتىن تابىستارى بويىنشا جەكە تابىس سالىعى 021
مۇلكى اۋداندىق ماڭىزى بار قالا, اۋىل, كەنت, اۋىلدىق وكرۋگ اۋماعىندا ورنالاسقان جەكە تۇلعالاردىڭ مۇلكىنە سالىناتىن سالىق 022
جەر ۋچاسكەسى اۋداندىق ماڭىزى بار قالادا, اۋىلدا, كەنتتە ورنالاسقان جەكە تۇلعالاردان الىناتىن, ەلدi مەكەندەر جەرلەرiنە سالىناتىن جەر سالىعى 023
اۋداندىق ماڭىزى بار قالادا, اۋىلدا, كەنتتە تىركەلگەن جەكە تۇلعالاردان الىناتىن, كولىك قۇرالدارىنا سالىناتىن سالىق 024
شىعىستار - بارلىعى 050
ونىڭ ىشىندە, شىعىستاردىڭ باعىتتارى بويىنشا:
ەسەپتى كەزەڭنىڭ سوڭىندا پايدالانباعان قاراجات قالدىعى - بارلىعى 100
اۋداندىق ماڭىزى بار قالانىڭ, اۋىلدىڭ,
كەنتتىڭ, اۋىل وكرۋگىنىڭ اكىمى __________ ________________
(قولى) (ت.ا.ءا.)
قارجى قىزمەتىنىڭ باسشىسى ___________ _____________
(قولى) (ت.ا.ءا.)
كۇنى _____ج. «__»____________
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 13 ساۋىردە نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №10704 بولىپ ەنگىزىلدى.